Qendra Burimore për Persona të Zhdukur së bashku me anëtarët e shoqatës së familjarëve të personave të zhdukur “Kosovski stradalnici” nga Beogradi, shënuan 30 Gushtin, Ditën Ndërkombëtare të Viktimave të Zhdukjeve me Forcë. Familjarët e personave të zhdukur nga të gjitha prejardhjet etnike, që jetojnë në Serbi dhe Kosovë për këtë rast vënë lule së bashku në memorialin kushtuar personave të zhdukur, i cili gjendet në Prishtinë, afër ndërtesës së Kuvendit të Kosovës. Pas vendosjes së luleve, përfaqësuesit e familjarëve të personave të zhdukur u drejtuan mediave me mesazh të përbashkët dhe bënë apel që autoritetet përkatëse të intensifikojnë punën e tyre për zbardhjen e fatit të personave të zhdukur, pavarësisht nga kombësia ose feja e tyre.
