- April 28, 2025
Më 28 prill, në shënim të Ditës Kombëtare të Personave të Zhdukur në Kosovë, u mbajt një takim përkujtimor me pjesëmarrjen e familjarëve të personave të zhdukur, përfaqësuesve të institucioneve, shoqërisë civile, partnerëve ndërkombëtarë dhe mediave.
Ky takim ishte një moment reflektimi, kujtese dhe angazhimi të ri për zbardhjen e fatit të të zhdukurve. 27 prilli nuk është vetëm një datë në kalendar, por një thirrje e përhershme për drejtësi dhe të vërtetë.
Në këtë ngjarje, u përkujtua me respekt të veçantë Baca Bajram Çerkinaj – një ndër figurat më të spikatura në përpjekjen për zbardhjen e fatit të të zhdukurve. Me vendosmëri dhe përkushtim të palodhur, ai mbeti zëri i të vërtetës deri në frymën e fundit, duke e jetuar jetën me dhembjen dhe shpresën e mijëra familjeve. Edhe sot, mbi 1600 persona vazhdojnë të jenë të zhdukur, dhe trashëgimia e Bacës Bajram na obligon të mos ndalemi në kërkimin e të vërtetës.
Në këtë takim u theksuan disa kërkesa dhe rekomandime të rëndësishme:
-Çështja e mostrave të gjakut
-Nevoja për vullnet politik të fuqishëm dhe bashkëpunim institucional
-Depolitizimi i procesit
-Përfshirja e familjarëve në dialogun e Brukselit
-Memorializimi me gjuhë që ndërton të ardhmen
-Kartat e identifikimit për familjarët
-Fokusimi në shërimin psiko-social
-Çështja e pensioneve
